“О‘ZCHARMSANOAT” Uyushmasi hamda TOSHKENT TО‘QIMACHILIK VA YENGIL SANOAT INSTITUTI poyabzal, akssesuarlar, charm va mо‘yna buyumlari yosh dizaynerlarini «UZCHARM STYLE-2021» respublika tanlovida ishtirok etishga taklif etadi.
Tanlov tashkilotchilari – “О‘zcharmsanoat” uyushmasi va Toshkent tо‘qimachilik va yengil sanoat instituti (ТTYESI).
TANLOV MAQSADI
– oliy va о‘rta maxsus ta’lim muassasalarida tahsil olayotgan yosh mutaxassislar va talabalar orasida poyabzal, charm attorlik, charm va mо‘yna buyumlari ishlab chiqaruvchilarning iqtidorli dizaynerlarini aniqlash va rag‘batlantirish;
– poyabzal, charm va mо‘yna buyumlari dizaynerlari, modelyer-konstruktorlarining maqomini oshirish;
– charm-poyabzal soha mutaxassisliklarini ommalashtirish
-iqtidorli yosh dizaynerlarni professional о‘sish imkoniyatlarini yaratish
– ijodiy va professional aloqalarni samarali о‘rnatish.
TANLOV QUYIDAGI NOMINATSIYALAR BО‘YICHA О‘TKAZILADI
• Eng yaxshi erkaklar poyabzali dizayni”;
• “Eng yaxshi ayollar poyabzali dizayni”;
• “Eng yaxshi bolalar va о‘smirlar poyabzali dizayni”;
• “Eng yaxshi sport mahsulotlari dizayni”;
• “Eng yaxshi charm- attorlik buyumlari va aksessuarlar dizayni”;
• “Qorakо‘l va charmdan tayyorlangan eng yaxshi ayollar kiyimi dizayni”;
• “Qorakо‘l va charmdan tayyorlangan eng yaxshi erkaklar kiyimi dizayni”;
Tanlovda 30 yoshgacha bо‘lgan poyabzal, aksessuarlar va charm-mо‘yna buyumlari dizayni, konstruksiyasi va ishlab chiqarish texnologiyasi bо‘yicha ixtisoslashtirilgan ta’lim muassasalari talabalari, korxonalarda faoliyat yuritayotgan yosh mutaxassislar ishtirok etishi mumkin.
Tanlov 2-bosqichda о‘tkaziladi:
I-bosqich, 2021 yil 25 sentabrdan 25 oktabrgacha Toshkent tо‘qimachilik va yengil sanoat institutida о‘tkaziladi;
I-bosqich g‘oliblari va sovrindorlari final ishtirokchilari hisoblanadi va tanlovning
II-bosqichiga yо‘naltiriladi;
II-bosqich, poyabzal, aksessuarlar va charm-mо‘yna buyumlari tayyorlangan model namunalarining bosqichi
Ikkinchi bosqich 2021-yil 9-11 noyabr kunlari о‘tkazilib, hakamlar hay’ati va tanlov mehmonlari qarshisida tayyor modellar namoyishi bilan qatnashiladi.
Tanlov g‘oliblari va laureatlarini tantanali taqdirlash 2021-yil 11-noyabr kuni Toshkent shahrida bо‘lib о‘tadi.
Tanlovda ishtirok etish uchun elektron pochta orqali rо‘yxatdan о‘tilishi va quyidagi hujjatlarni 2021 yil 25 oktabrdan kechiktirmay Tashkiliy qо‘mitaga topshirishilishi shart:
-
3×4 sm о‘lchamdagi fotosuratli ishtirokchi anketasi;
-
pasport nusxasi
-
tanlov ishlari (A3 formatdagi 2 varaqli modellarning eskizlari va tо‘plam modellarining fotosuratlari)