Toshkent to‘qimachilik va yengil sanoat instituti qoshida tashkil etilgan Don davlat texnika universiteti bilan hamkorlikda qo‘shma ta’lim dasturi asosida 2-kurs magistraturada tahsil olayotgan Aminova Diyoraxon Farruxjon qizi – Nijniy Novgorod shahri INTERCLOVER dasturi bo‘yicha DDTU 2021-yil 10-oktabrda bo‘lib o‘tgan “Yuqori texnologiya va ilm: yutuqlar va innovatsiyalar” nomli magistrlar prezentatsiyasi tanlovida ishtirok etib, 3-o‘rinni qo‘lga kiritishga muvaffaq bo‘ldi.
Bunday e’tirof uchun TTYeSI Xorijiy Oliy Ta’lim Muassasalari bilan hamkorlikdagi qo‘shma ta’lim dasturini muvofiqlashtiruvchi bo‘limi boshlig‘i N.S.Amirovaga va ilmiy rahbari PhD U.R.Uzakovaga hamda DDTU tomonidan ilmiy rahbari prof. I.V.Cherunova minnatdorlik bildiramiz.
Aminova Diyoraxonga kelajakdagi o‘qishlari va ilmiy ishlarida yanada ulkan zafarlar tilab qolamiz.
