Oliy va oʻrta maxsus taʼlim vazirligi hamda Vazirlik huzuridagi Talaba va o‘quvchilarning ma’naviy yuksalishiga ko‘maklashish markazi, Madaniyat vazirligi, Yoshlar ishlari agentligi bilan hamkorlikda oliy taʼlim muassasalari teatr studiyalari oʻrtasida “Talabalar teatr studiyalari” koʻrik-tanlovini eʼlon qiladi.
Tanlov gʻoliblari diplom, esdalik sovgʻalari hamda quyidagicha pul yutuqlari bilan taqdirlanadi:
“Eng yaxshi spektakl” nominatsiyasi — 60 mln. soʻm.
“Dolzarb mavzuning sahnaviy talqini uchun” nominatsiyasi — 40 mln. soʻm;
“Milliy an’ana va qadriyatlarni tarannum etganligi uchun” nominatsiyasi — 30 mln. soʻm;
“Eng yaxshi erkak roli” nominatsiyasi — 8 mln. soʻm;
“Eng yaxshi ayol roli” nominatsiyasi — 8 mln. soʻm;
“Eng yaxshi talabalar teatr studiyasi rahbari” nominatsiyasi — 4 mln. soʻm;
Ishtirok eting va gʻolib boʻling. Oʻz iqtidoringizni namoyon qilish vaqti keldi!
