Joriy yilning 9-sentyabr kuni Toshkent to‘qimachilik va yengil sanoat instituti rektori Ilxom Sabirov oliygohda joylashgan “Formali kiyim-boshni loyihalashtirish” ilmiy laboratoriyasiga tashrif buyurib, amalga oshirilgan qurilish-montaj ishlari hamda o‘quv laboratoriya jihozlarini ko‘zdan kechirdi.
Hozirda laboratoriyaning barcha xonalari ta’mirlanib, kerakli mebel va orgtexnikalar bilan jihozlangan. Ushbu Xitoy respublikasida ishlab chiqarilgan tikuv mashinalari, presslar va sinov qurilmalari OOO «GAS SMART GROUP» firmasi tomonidan olib kelib о‘rnatildi.
