Toshkent tо‘qimachilik va yengil sanoat instituti tomonidan “Qushbegi” mahallasida ma’naviy-ma’rifiy tadbir bo‘lib o‘tdi. Yig‘ilishda О‘zbek Milliy akademik drama teatri aktyori Rixsitilla Abdullayev, institut о‘qituvchisi, shoir Tolmas Tillayev, professor-o‘qituvchilari, talaba-yoshlari va mahalla faollari ishtirok etishdi.
Mahalla yoshlari о‘rtasida “Kitobxonlik madaniyatini shakllantirish”, “Shoir va yozuvchilar bilan ijodiy uchrashuvlar, mushoira va adabiy kechalar” tashkil etish borasida ham institut rahbariyati tomonidan ko‘plab amaliy ishlar olib borilmoqda. Tashkil etilgan davra suhbatida mehmonlar 1-iyun – Xalqaro bolalarni himoya qilish kuni munosabati bilan mahalladagi yoshlar va kutubxona xazinasi uchun badiiy adabiyotlar to‘plamlarini sovg‘a qilindi.
Ijodiy uchrashuvda mazmunli suhbatlar qurildi, ayniqsa, shoirning “Vatan” haqidagi ijro qilingan she’rlari yig‘ilgan ishtirokchilar qalbida katta tassurot qoldirdi.