Toshkent tо‘qimachilik va yengil sanoat institutida 2021/2022 o‘quv yili bakalavriat bosqichi uchun kasbiy (ijodiy) imtihonlari 3,4,5 avgust kunlari o‘tkazilishini ma’lum qilamiz.

Abituriyentlarga yanada erkin ijod qilish imkonini berish uchun barcha sharoitlar yaratilgan bo‘lib, xonalarga sovitish moslamalari o‘rnatilgan. Tibbiyot xodimlari har bir abituriyentning sog‘ligini alohida nazorat qiladilar, ular uchun gigiyena talablariga rioya qilgan holda, suv va salqin ichimliklar tashkil qilinib, xavfsizlikni ta‘minlash uchun Ichki ishlar xodimlari jalb etilgan.

Yana bir shaffoflikini ta‘minlovchi muhim qadam, Institutda imtihonlar jarayonlarini real vaqt rejimida onlayn kuzatish imkonini beruvchi maxsus platforma ishga tushirilgan bo‘lib, abituriyentlarning ota-onalari va yaqinlari institutning rasmiy sayti web.ttyesi.uz orqali bemalol uydan turib imtihonlarni online kuzatib borishlari uchun sharoit yaratildi.

Quyidagi ta’lim yo‘nalishlaridan kasbiy (ijodiy) imtihonlar bo‘lib o‘tadi:
5150907-Dizayn (kostyum dizayni)
5150908-Dizayn (poyabzal va aksessuarlar dizayni)