Zamonaviy talablarga javob beradigan lingafon xonalari tashkil etildi

Toshkent to‘qimachilik va yengil sanoat institutining “O‘zbek va xorijiy tillar” kafedrasi qoshida Oliy va o‘rta maxsus ta’lim vazirligi O‘zbekiston Respublikasi Vazirlar Mahkamasining 2021-yil 19-maydagi 312-son Qarori ijrosini ta’minlash to‘g‘risida”gi 242-sonli buyrug‘i 10-bandi bilan oliy ta’lim muassasalarida faoliyat olib borayotgan o‘qituvchilarning xalqaro til bilish sertifikatiga ega bo‘lishini ta’minlash bo‘yicha o‘quv kurslari tashkil etildi.

Ushbu o‘quv kurslarida sifatli o‘quv jarayonini tashkil qilish uchun oxirgi rusumdagi kompyuter va lingafon xonalari tashkil qilindi. 60 ta o‘ringa mo‘ljallangan barcha kompyuterlar internet tarmog‘iga ulangan bo‘lib, ko‘plab imkoniyatlarni o‘z ichiga qamrab oladi.

Institutning professor-o‘qituvchilari, ustoz-murabbiylari va talaba-yoshlari lingafon xonalarida innovatsion yondashilgan dars mashg‘ulotlarini o‘tishmoqda.