“Oybek, ilm va shukronalik” mavzusida suhbat o‘tkazildi

Joriy yilning 25-fevral kuni Toshkent to‘qimachilik va yengil sanoat institutining 12-20-19 guruh talabasi M. Sayfiddinov va TDTU talabasi L. Amonova hamkorligida 147-maktab o‘quvchilari bilan uchrashuv tashkil qilindi. Uchrashuvda Muso Toshmuhammad o‘g‘li Oybekning “Qonli barmoqlar” hikoyasi batafsil yoritib berildi. Hikoya orqali urush davridagi qiyinchilik, ocharchilik yillari eslandi. Hozirgi kunlarimizga shukrona keltirib yashash lozimligi qattiq ta’kidlandi. Davlat rahbarining “Yangi O‘zbekiston – ma’rifatli jamiyat” konsepsiyasi asosida o‘quvchilarni bilim olishga targ‘ib qilindi va ularga motivatsiya berildi.