Prezident topshirig‘ining ijrosi amalda

Yoshlarning bo‘sh vaqtini samarali tashkil etish, ularni ish bilan ta’minlash maqsadida joriy yilning 17-mart kuni Toshkent shahar prokraturasi bo‘lim boshlig‘i N.Norboyev, Yakkasaroy tumani prokurori N.Allaberganova, Yakkasaroy tumani hokimining Yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari I.Rahimov, tuman Bandlikka ko‘maklashish rahbari M. Tojiyev ishtirokida talaba-yoshlar bilan uchrashuv bo‘lib o‘tdi.

Ushbu yig’ilishda hozirgi kunda yoshlarni ijtimoiy himoya qilish, ishlash istagida bo‘lgan talabalarni ishga joylashtirish, bandlikka ko‘maklashish tashkiloti bilan hamkorlikda ish o‘rinlarini yaratish masalalariga asosiy e’tibor qaratildi.

Shuningdek, tadbir davomida ishga joylashish istagida bo‘lgan talabalarga bo‘sh ish o‘rinlari taklif qilinib, tegishli korxonalarga hamkorlikda ishga yuborish reja qilindi.