Joriy yilning 7-iyun kuni Institutning 2-Talabalar turar joyida “Qiz bola tarbiyasi – millatning ertasi” mavzusida davra suhbati bo‘lib o‘tdi.
Mazkur yig’ilishga Yakkasaroy tuman hokimi o‘rinbosari – Oila va Xotin-qizlar bo‘limi boshlig‘i D.Ismoiljonova, “Oilaviy, ma’naviy-axloqiy qadriyatlarni mustahkamlash va ijtimoiy reabilitasiya” bo‘yicha mutaxassis S.Ro‘ziqulova, tuman Xotin-qizlar masalalari bo‘yicha inspektor podpolkovnik D.Sattorova, 2-kurs talabalari tyutori O.Berdiyeva, “Bobur” mahallasi Xotin-qizlar faoli B.Sharofiddinovna va “Abdulla Qahhor” mahallasi Xotin-qizlar faoli Erkinoy Xasanovalar tashrif buyurdi.
Faollar tomonidan O‘zbekiston Respublikasi Prezidentining “Oila va xotin-qizlar bilan ishlash, mahalla va nuroniylarni qo‘llab-quvvatlash tizimini takomillashtirish chora-tadbirlari to‘g‘risida”gi 2022-yil 1-martdagi PF-81-sonli farmonining to‘liq matni bilan tanishtirib o‘tildi.
Suhbatda ishtirok etgan institut faollari hamda yig‘ilgan talabalar, mehmonlarning qiziqarli va mazmunli suhbati uchun o‘z minnatdorchiliklarini bildirishdi.
