“Charm buyumlarini konstruksiyalash va texnologiyasi” kafedrasi professor-o’qituvchilari “Qushbegi” mahallasiga tashrif buyurdi.

Joriy yilning 22-iyun kuni “Charm buyumlarini konstruksiyalash va texnologiyasi” kafedrasi professor-o’qituvchilari “Qushbegi” mahallasiga tashrif buyurdi. Mazkur mahallada kafedra professor-о‘qituvchilari va mahalla raisi Umirov Xakimjon Raxmonqulovich bilan davra suhbati o’tkazildi. Suhbat davomida Toshkent to’qimachilik va yengil sanoat institutining mavjud 4 ta fakulteti hamda xorijiy OTMlar – A.N.Kosigin nomidagi Rossiya davlat universiteti, Belarusiyaning Vitebsk davlat texnologiya universitetlari bilan hamkorlikda amalga oshirilayotgan qo’shma ta’lim dasturlari, ulardagi ta’lim yo’nalishlari, shart-sharoitlari to’g’isida batafsil ma’lumotlar berilib, o’qish uchun yaratilgan sharoitlar haqida ma’lumotlar yetkazildi. Mahalla yoshlarini mazkur ta’lim yo’nalishlariga hujjat topshirishlari bo’yicha targ’ibot-tashviqot ishlari olib borildi.