Tanlovning 1-bosqichi fevral–mart oylarida tuman (shahar)larda oʼtkazilib, unda eng yuqori natijaga erishgan har bir tuman (shahar)dan 5 nafardan nomzod keyingi bosqichga oʼtadi.
1-, 2- va 3-bosqichlar gʻoliblari tegishli BHMning 5, 10 va 20 baravari miqdorida bir martalik pul mukofoti va diplom bilan taqdirlanadi hamda Respublika bosqichida gʻoliblikni qoʻlga kiritgan ishtirokchi “Ulugʻbek” jamgʻarmasi tomonidan tashkil etilgan oʻquv kurslarida bepul tahsil olishi kafolatlangan.
Shuningdek, “Isteʼdodli yoshlar axborotnomasi” ilmiy-amaliy elektron jurnali hamda “Mirzo Ulugʻbek vorislari” elektron portali tashkil etiladi. Bunda elektron portalda isteʼdodli yoshlarning elektron bazasi shakllantiriladi, oʼquv kurslari bitiruvchilarining reytingi joriy etilib, innovatsion gʻoyalari va ilmiy-texnik ishlanmalari baholab boriladi.
