Bugungi kunda toʻqimachilik va yengil sanoat sohasi boʻyicha dunyoda qator davlatlar peshqadamlik qilmoqda. Ular jumlasiga Turkiya ham kiradi. Ushbu qardosh mamlakat bilan ikki davlat rahbari oʻrnatgan doʻstlik va hamkorlik aloqalari nafaqat ishlab chiqarish sohasida, balki oliy taʼlimda ham oʻzining samarali aksini topmoqda.
Xususan, 15-fevral kuni institutimiz talabalari Turkiyaning Sakarya universitetidagi tengdoshlari bilan onlayn aloqaga chiqishdi. Suhbat davomida talabalar mamlakatimizning boy tarixi, uning qadimiy shahlari va obidalari haqida maʼlumotlar berib milliy urf-odatlarimiz hamda raqslarimizni turk talabalarining eʼtiborlariga havola qilishdi.
