Davlat rahbari tomonidan ayollar orasida rahbarlarni koʻpaytirish, menejment va boshqa sohalarning boshqaruv strukturalarida xotin-qizlarning ishtirokini samarali taʼminlash ishlari qoʻllab-quvvatlanmoqda.

Xususan, 11-fevral Xalqaro olimalar kuni ham yurtimizda keng miqyosda nishonlandi. Sana doirasida Toshkent toʻqimachilik va yengil sanoat instituti olima ayollari vakillari institut qoshidagi akademik litseydagi xotin-qizlar  bilan uchrashuv tashkil qildi. Suhbat davomida yosh va tajribali olimalar oʻzlarining ilmiy faoliyatlari xususida soʻzlab berdi.