Institut Italiyaning Savdo sanoat palatasi tomonidan tashkil etilgan boʻlib charm va charm buyumlarini oʻrganishda tadqiqot va innovatsiyalar yaratishga yoʻnaltirilgan ilmiy oʻquv markaz hisoblanadi.
Tashrif davomida institut direktori Serena Iossa va u yerdagi bir qator olimlar hamda professor-oʻqituvchilari bilan uchrashuv boʻlib oʻtdi. Suhbatda soha yoʻnalishlari boʻyicha mutaxassislarni tayyorlash va charm sanoatiga oid ilmiy tadqiqotlarni olib borish xususida mulohazalar olib borildi va institutning ilmiy-texnik jarayonlari batafsil oʻrganildi.
Hamkorlik memorandumini imzolash xususida barcha jarayonlar tahlil qilinganidan soʻng kelgusidagi istiqbolli yoʻnalishlar boʻyicha qator kelishuvlarga erishildi:
-
zamonaviy texnologiyalar va oʻquv vositalari asosida oʻquv jarayoni samaradorligini oshirish;
-
oʻqituvchilar, ilmiy xodimlar, doktorantlar, magistrantlar uchun ilmiy stajirovkalarni tashkil etish;
-
hamkorlikda oʻtkaziladigan ilmiy tadqiqotlarning natijalarini mahalliy va xorijiy ilmiy jurnallarda chop etish;
-
turli xil oʻquv yuklamalarini, shu jumladan oʻquv va ishlab chiqarish amaliyotlarini bajarish uchun talabalar almashinuvini yoʻlga qoʻyish;
Pedagogik faoliyatning innovatsion va ilmiy-texnik sohalarida tajriba almashish kabi tashabbuslar ilgari surildi.
![](https://web.ttyesi.uz/wp-content/uploads/2024/02/photo_2024-02-28_17-40-41.jpg)
![](https://web.ttyesi.uz/wp-content/uploads/2024/02/photo_2024-02-28_18-10-26.jpg)