Sarishta va ozoda xalqimiz har yili Navroʻz ayyomi oldidan umumxalq xayriya hasharini oʻtkazishga odatlangan. Yosh-u qari oʻzining kichik vatani — mahalla va taʼlim olayotgan maskanlarining obodonlashtirish ishlariga oʻz hissasini qoʻshishga harakat qiladi. Xususan, 16-mart kuni TTYSIda ham umumjamoaviy hashar boʻlib oʻtdi. Unda professor-oʻqituvchilar va talabalar orasidan eko-koʻngillilar institutimizning bogʻ-rogʻlari, oʻquv binolari va talabalar turar joylari hududlaridagi hasharlarda faol qatnashdi.
