2021-yil 4-10-oktabr kunlari “Keksalarni eʼzozlash, ularga hurmat-ehtirom koʻrsatish-xalqimizga xos ezgu fazilat” degan gʻoyani oʻzida mujassam etgan “Keksalar haftaligi” yurtimiz bo‘ylab oʻtkazildi.
Shu bois, joriy yilda Toshkent to‘qimachilik va yengil sanoat institutida ham bir qator ma’naviy-ma’rifiy uchrashuvlar tashkil etildi. Xususan, O‘zbekiston tadbirkorlik, biznes va xizmat ko‘rsatish sohalari xodimlari kasaba uyushmasi Respublika Kengashi a’zolari ishtirokida – to‘qimachilik va yengil sanoat tizimida uzoq yillar mehnat qilib, hozirda nafaqada bo‘lgan keksa avlod vakillari hamda talaba-yoshlar bilan uchrashuv bo‘lib o‘tdi.
