Oliy va o‘rta maxsus ta’lim vazirligi tomonidan tashkil etilgan “O‘zbekiston-Fransiya ta’lim forumi”da ishtirok etish uchun xorijiy vakillar Toshkent shahriga tashrif buyurishdi.
Shu munosabat bilan Toshkent to‘qimachilik va yengil sanoat institutining xorijiy hamkorlaridan biri bo‘lmish Parij xalqaro moda akademiyasining rahbariyati bilan rasmiy uchrashuv tashkil etildi. Uchrashuvlarda Akademiyaning faxriy prezidenti janob Jann-Filip Vaukler va prezident Kristin Valter Bonini xonim hamda institut rektori Ilxom Sabirov ishtirok etishdi.
Oliygohning professor-o‘qituvchilari va qo‘shma hamda ta’lim dasturi talabalari bilan uchrashuvlar tashkil etilib, sohadagi yangiliklar va hamkorlik ishlari yuzasidan fikr-mulohazalar almashildi.
