Hammamizga ma’lumki, yurtimiz muhim siyosiy jarayonlar qarshisida turibdi. 2021-yilning 24-oktyabr kuni O‘zbekiston Respublikasi Prezidenti saylovi bo‘lib o‘tadi. Barcha fuqarolar ushbu siyosiy jarayonlarda faol ishtirok etib, qonuniy huquqlari asosida munosib nomzod uchun ovoz berishi lozim.
Shu munosabat bilan joriy yilning 4-oktyabr kuni Toshkent to‘qimachilik va yengil sanoat instituti Madaniyat saroyida saylov targ‘ibotini tashkil etish yuzasidan majlis bo‘lib o‘tdi. Bunda institut rektori Ilxom Sabirov, prorektorlar, dekanlar, professor-o‘qituvchilar va ustoz-murabbiylar ishtirok etishdi.
