KAFEDRA TARIXI
“Tabiiy tolalarni dastlabki ishlash texnologiyasi” (Paxtani dastlabki ishlash) kafedrasi 1932 yil tashkil etilgan bo‘lib, uning asoschisi O‘zbekiston Respublikasi Fanlar Akademiyasi muxbir a‘zosi, texnika fanlari doktori, professor BORIS APPOLONOVICH LEVKOVICHDIR. Bugungi kunda kafedrani texnika fanlari doktori, professor Xakimov Sherqul Sherg’oziyevich boshqarib kelmoqda. Hozirgi kungacha kafedrani 4000 dan ziyod muhandislar, 2500 dan ortiq bakalavrlar va 228 dan ziyod magistrlar bitirishgan. Kafedra qoshida katta ilmiy xodim-izlanuvchilar ilmiy tadqiqot ishlarini olib borishadi. Kafedrada 190 nafardan ortiq soha bo‘yicha fan nomzodlari yetishib chiqqan. Ulardan 21 nafari soha bo‘yicha fan doktori dissertasiyalarini himoya qilishgan. Shu yillar ichida kafedra son va sifat jihatidan ham yuqori malakali kadrlar bilan to‘lib bordi. Bular tomonidan katta miqyosda ilmiy izlanishlar olib borildi. Shulardan 18 ta darslik (Mualliflari: B.A. Levkovich, G.J. Jabborov, Sh.Q. Qodirov, S.D. Baltabayev, D.A. Kotov, B.I. Roganov, G.I. Miroshnichenko, M.A. Aliyev, B.G. Kadirov, A.P. Parpiyev, M.T.Hodjiev, M.T.Tillayev, M.A.Babadjanov, M.A.Axmatov, A.Q.Usmonqulov), 12 ta monografiya (Mualliflari: B.A. Levkovich, S.D. Baltabayev, M.T. Xodjiyev, M.T. Tillayev, A.Ye. Lugachev, A.P. Parpiyev, Mardonov B.M. Usmonqulov A.Q, M.E.Ruzmetov, Tuychiyev T.O, Abbazov I.Z.), 1540 ilmiy maqola, 1200 uslubiy qo‘llanma chop etildi va 288 ta patent va foydali modellar guvohnomalari mualliflari bo‘lishgan.