Institut tomonidan Miniatura va xalq amaliy san’ati yo‘nalishidagi yosh ijodkorlarning milliy o‘zligimizni anglash g‘oyalarini tarannum etuvchi yorqin san’at asarlarini yaratishdagi faoliyatini rag‘batlantirish va yosh ijodkorlarni qo‘llab-quvvatlash maqsadida “Kamoliddin Behzod izdoshlari” miniatura va xalq amaliy san’ati asarlari ijodiy tanlovi e’lon qilinadi.
Tanlov 1-fevraldan 1-martgacha 15 yoshdan 20 yoshgacha bo‘lgan talabalar o‘rtasida bo‘lib o‘tadi.
Tanlov g‘oliblari quyidagi nominatsiyalar bo‘yicha belgilanadi:
– Eng yaxshi miniatyura asari uchun;
– Eng yaxshi grafik asari uchun;
– Eng yaxshi naqqoshlik asari uchun;
– Eng yaxshi amaliy san’at asari uchun (amaliy san’at turlari bo‘yicha)
Tanlovda ishtirok etish istagini bildirgan yosh ijodkorlar quyidagi hujjatlarni taqdim qilishi lozim:
– -http:/www.art-academy.uz saytida joylashtirilgan namuna asosida to‘ldirilgan ariza;
– ishtirokchining pasport (yoki shaxsni tasdiqlovchi boshqa hujjat) nusxasi;
– taqdim etilgan barcha ijodiy ishlar haqida ma’lumot berilishi (asar nomi, yaratilgan yili, texnikasi);
– taqdim etilgan barcha ijodiy ishlar nomi o‘zbek, rus va ingliz tillarida berilishi;
– erkin mavzudagi so‘nggi uch yil davomida yaratilgan mualliflik ishlari.
– ishtirokchining oxirgi 3 oy ichidagi 4×6 hajmdagi 2 dona fotosurati.
Tanlovda ishtirok etmoqchi bo‘lgan talabalar hujjatlarini Yoshlar bilan ishlash hamda ma’naviyat va ma’rifat bo‘limiga topshiradilar. G‘olib bo‘lganlar respublika bosqichiga yo‘naltiriladi.