“Muhandislar” mahalla yoshlari o‘rtasida musobaqa o‘tkazildi

O‘zbekiston Respublikasi Prezidentining “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi PQ-92 sonli Qaroriga asosan, mahallalarda uyushmagan yoshlarning bo‘sh vaqtini mazmunli tashkil etish, milliy xalq o‘yinlari va sport turlarini ommalashtirish hamda 5 ta muhim tashabbus loyihalarini amalga oshirish maqsadida Yoshlar ishlari agentligining mahallalarda faoliyat olib boradigan yoshlar yetakchisi va Toshkent to‘qimachilik va yengil sanoat institutiga biriktirilgan “Muhandislar” MFYda yashovchi yoshlar o‘rtasida stol tennis va futbol sport turi bo‘yicha hamkorlikda o‘rtoqlik musobaqasi tashkil etildi. Ushbu o‘yinda “Muhandislar” mahallasidagi ko‘ngilli yoshlar faol ishtirok etdi. O‘rtoqlik uchrashuvlari turli sport yo‘nalishlari bo‘yicha davom etadi.