Joriy yilning 4-iyun kuni Toshkent to‘qimachilik va yengil sanoat institutida yaqinlashib kelayotgan Prezident saylovi munosabati bilan yoshlarning saylov to‘g‘risidagi huquqiy savodxonligini oshirish maqsadida tadbir bo‘lib o‘tdi.
Tadbirda Yakkasaroy tumani Adliya bo‘limi boshlig‘i Alisher O‘runov, Toshkent Davlat Yuridik universiteti professori Xaydarali Muxamedov, Yakkasaroy tumani Adliya bo‘limi bosh maslahatchisi Amir Shoyimqulov, Toshkent to‘qimachilik va yengil sanoat instituti Yoshlar bilan ishlash bo‘yicha prorektor Ulug‘bek Abdullayev, fakultet dekanlari va o‘rinbosarlar, ommaviy axborot vositalari xodimlari hamda institut talaba-yoshlari ishtirok etishdi.
Tadbirdan ko‘zlangan asosiy maqsad saylovchilarning konstitutsiyaviy huquqlari to‘grisida ma’lumot berish, o‘sib kelayotgan yosh avlodning huquqiy savodxonligi oshirish, siyosiy bilimlarini yanada mustahkamlashdir.
