“Tadqiqotlar natijalariga qaraganda, yaqin yigirma yildan soʻng toʻqimachilik sohasidagi deyarli barcha murakkab jarayonlar avtomatlashtiriladi. Davlatimiz rahbarining saʼy-harakatlari bilan ham soʻnggi olti yil ichida sohada juda katta oʻzgarishlar amalga oshirildi. Yangidan-yangi texnologiyalar oliy taʼlim tizimiga kiritilmoqda. Ammo ularning aksariyati tegishli korxonalarga yetib bormayapti.
Ishlab chiqarish jarayonida ish oʻrgangan, professional tayyorgarlikdan oʻtmagan texnologlar va tahsil olishni endigina boshlagan talabalarga eng ilgʻor metodlar orqali bilim va koʻnikmalarni berish juda dolzarbdir. Bu borada USAID bizga peshvoz chiqib, hamkorlik qilish istagini bildirganidan benihoya shodmiz”.
